Türkmenistan we Russiýa “Ýönekeýleşdirilen gümrük geçelgesini” işe girizdiler

Türkmen-rus hökümetara ykdysady hyzmatdaşlyk boýunça toparynyň ýakynda geçirilen mejlisiniň çäginde gümrük gulluklarynyň ýolbaşçylarynyň derejesinde duşuşyk bolup geçdi, bu ikitaraplaýyn özara hereketde uly öňegidişlik boldy.

Türkmen wekiliýeti Osakada “EKSPO-2025” Bütindünýä sergisiniň ýapylyş dabarasyna gatnaşdy

2025-nji ýylyň 13-nji oktýabrynda Ýaponiýanyň Osaka şäherinde "EKSPO-2025" Bütindünýä sergisiniň ýapylyş dabarasy geçirildi.

Türkmenistan bilen Russiýa hyzmatdaşlygy giňeltmek boýunça birnäçe resminamalara gol çekdi

Şu gün paýtagtymyzdaky Söwda-senagat edarasynda Ykdysady hyzmatdaşlyk boýunça hökümetara türkmen-rus toparynyň türkmen we rus tarapynyň ýolbaşçylarynyň duşuşygy hem-de Ykdysady hyzmatdaşlyk boýunça hökümetara türkmen-rus toparynyň 13-nji mejlisi geçirildi. Russiýa Federasiýasynyň Hökümetiniň Başlygynyň orunbasary M.Husnulliniň ýolbaşçylygynda Aşgabada sapar bilen gelen wekiliýetiň agzalarynyň türkmen tarapynyň wekilleri bilen duşuşygy iki ýurduň arasyndaky köpugurly hyzmatdaşlygy mundan beýläk-de ösdürmegiň maksat edinilýändigini görkezýär.

Türkmenistanyň Prezidenti Russiýa Federasiýasynyň Hökümetiniň Başlygynyň orunbasaryny kabul etdi

Şu gün hormatly Prezidentimiz Serdar Berdimuhamedow ýurdumyza sapar bilen gelen Russiýa Federasiýasynyň Hökümetiniň Başlygynyň orunbasary Marat Husnullini kabul etdi.

Türkmenistanyň Prezidenti GDA-nyň döwlet Baştutanlarynyň Geňeşiniň mejlisine gatnaşdy

Duşenbede Türkmenistanyň we Täjigistan Respublikasynyň Prezidentleriniň duşuşygy geçirildi

Ykdysady hyzmatdaşlyk boýunça türkmen-horwat hökümetara toparynyň dördünji mejlisi

2025-nji ýylyň 8-nji oktýabrynda Aşgabat şäherinde Ykdysady hyzmatdaşlyk boýunça hökümetara türkmen-horwat toparynyň dördünji mejlisi geçirildi. Mejlisiniň dowamynda Türkmenistan bilen Horwatiýa Respublikasynyň arasynda  syýasy, söwda, ykdysady, senagat, energetika, ulag we logistika, oba hojalyk, syýahatçylyk, bilim, medeniýet, telekeçilik we beýleki möhüm pudaklarda iki ýurduň arasynda amala aşyrylan işler, mundan beýläk-de hyzmatdaşlygy ösdürmegiň ugurlary ara alnyp maslahatlaşyldy.

Türkmenistan we Azerbaýjan hyzmatdaşlygy pugtalandyrýar.

Ýakynda, Türkmenbaşy Halkara deňiz portunda “Azerbaýjandemirýollary” paýdarlar jemgyýetiniň başlygynyň geňeşçisi Aleksandr Oleýnigiň ýolbaşçylygyndaky iş toparynyň sapary amala aşyryldy.

Hormatly Prezidentimiz BMG-niň Baş Assambleýasynyň ýokary derejeli plenar mejlisine gatnaşdy

22.09.2025ý, Amerikanyň Birleşen Ştatlaryna iş saparynyň çäklerinde hormatly Prezidentimiz Serdar Berdimuhamedow Birleşen Milletler Guramasynyň döredilmeginiň 80 ýyllygy mynasybetli Baş Assambleýanyň ýokary derejeli plenar mejlisine gatnaşdy. Bu barada http://tdh.gov.tm internet sahypasynda habar berilýär.

«Awaza» milli syýahatçylyk zolagynda Türkmenistanyň Maýa goýum Forumy (TIF 2025) öz işine başlady

2025-nji ýylyň 18-nji sentýabrynda «Awaza» milli syýahatçylyk zolagynda Türkmenistanyň Maýa goýum Forumy (TIF 2025) resmi taýdan açyldy. Bu iri çäre ýurduň maýa goýum mümkinçiliklerini ara alyp maslahatlaşmak üçin 800-den gowrak daşary ýurtly we ýerli wekilleri jemledi. Bu barada https://mfa.gov.tm internet sahypasynda habar berilýär.

Türkmenistanyň DIM-de Hazar deňzi meseleleri boýunça iş toparynyň nobatdaky mejlisi geçirildi

2025-nji ýylyň 15-nji sentýabrynda Türkmenistanyň Daşary işler ministrliginde Hazar deňzi meseleleri boýunça ýokary derejeli iş toparynyň on birinji mejlisi öz işine başlady. Bu barada Türkmenistanyň DIM-niň web-saýtynda habar berilýär. 

Hormatly Prezidentimiz Serdar Berdimuhamedow serhet birikmesiniň täze binalar toplumynyň açylyş dabarasyna gatnaşdy

2025-nji ýylyň 12-nji sentýabrynda Türkmenistanyň Prezidenti, ýurdumyzyň Ýaragly Güýçleriniň Belent Serkerdebaşysy goşun generaly Serdar Berdimuhamedow Döwlet serhet gullugynyň Sarahs serhet birikmesiniň täze binalar toplumynyň açylyş dabarasyna gatnaşdy. Bu barada http://tdh.gov.tm internet sahypasynda habar berilýär.

Täze Bitaraplyk şäherçesi

2025-nji ýylyň 11-nji sentýabrynda Garaşsyzlygymyzyň baýramçylygynyň öňisyrasynda Daşoguz welaýatynyň Köneürgenç etrabynda döwrebap Bitaraplyk şäherçesi dabaraly açyldy. Täze şäherçe rahat ýaşamak, jemgyýetçilik infrastrukturany berkitmek we sebitiň ykdysadyýetini ösdürmek üçin şertler döredýär.

Türkmenistan Ýaponiýa dokma önümleriniň eksportyny artdyrmakçy

2025-nji ýylyň 30-njy awgusty – 3-nji sentýabry aralygynda Türkmenistanyň Söwda we daşary ykdysady aragatnaşyklar ministri Nazar Agahanowyň ýolbaşçylygyndaky türkmen wekiliýeti Ýaponiýanyň Osaka we Tokio şäherlerine iş saparyny amala aşyrdy. Saparyň dowamynda türkmen dokma önümlerini ýapon bazaryna çykarmak boýunça meseleler ara alnyp maslahatlaşyldy. Bu barada Türkmenistanyň resmi metbugaty habar berýär.

Türkmenistanyň Prezidenti Pekinde Ýeňşiň 80 ýyllygyna bagyşlanan dabaralara gatnaşdy

Türkmenistanyň Prezidenti Serdar Berdimuhamedow Hytaý Halk Respublikasyna saparynyň çäklerinde HHR-iň Başlygy Si Szinpiniň çakylygy boýunça Ikinji jahan urşunda gazanylan ýeňşiň 80 ýyllygynyň hormatyna çarşenbe güni Pekinde geçirilen dabaraly çärelere gatnaşdy. Bu barada Türkmenistanyň resmi metbugaty habar berýär.

Türkmenistan we Italiýa ýokary derejeli saparlara taýýarlyk meselelerini maslahatlaşdy

Türkmenistanyň Italiýadaky Adatdan daşary we Doly ygtyýarly Ilçisi Toýly Kömekow çarşenbe güni Rimde Italiýanyň daşary işler we halkara hyzmatdaşlyk boýunça ministriniň orunbasary Edmondo Çirielli bilen duşuşyk geçirdi. Taraplar duşuşykda ýetip gelýän ýokary derejeli saparlaryň guramaçylyk meselelerine we gün tertibine aýratyn üns berdiler.

Türkmenistan ÝB – Merkezi Aziýa hyzmatdaşlyk forumyna gatnaşdy

Türkmenistanyň wekiliýeti Sloweniýada geçirilen Bled strategiki forumynyň çäklerinde Ýewropa Bileleşigi bilen Merkezi Aziýa ýurtlarynyň arasyndaky hyzmatdaşlygyň geljegine bagyşlanan “The Centrality of Central Asia” atly tegelek stol maslahatyna gatnaşdy. Bu barada Türkmenistanyň Belgiýadaky ilçihanasy sişenbe güni habar berdi.

Türkmenistanyň Prezidenti Pekinde Si Szinpin bilen duşuşdy

Türkmenistanyň Prezidenti Serdar Berdimuhamedow, Hytaý Halk Respublikasyna iş saparynyň çäklerinde, sişenbe güni Pekin şäherinde Hytaýyň Halk ýygnaklar öýünde HHR-iň Baştutany Si Szinpin bilen duşuşdy. Bu barada Türkmenistanyň resmi metbugaty habar berýär.

Aşgabatda Halkara senagatçylar we telekeçiler uniwersiteti açyldy

Türkmenistanynyň paýtagty Aşgabatda duşenbe güni Halkara senagatçylar we telekeçiler uniwersitetiniň açylyş dabarasy geçirildi. Täze bilim ojagynyň açylyş dabarasyna Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow gatnaşdy. Bu barada Türkmenistanyň resmi metbugaty habar berdi.

Türkmenistan ŞHG-ny Türkmenbaşy deňiz portunyň mümkinçiliklerini ulanmaga çagyrdy

Türkmenıstanyň Prezidenti Serdar Berdimuhamedow duşenbe güni Hytaýyň Týanszin şäherinde geçen “ŞHG+” sammitindäki çykyşynda Türkmenbaşy Halkara deňiz portunyň mümkinçiliklerine ünsi çekip, ýurduň bu köpugurly we kuwwatly terminalyň Şanhaý Hyzmatdaşlyk Guramasynyň bähbitlerine ulanylmagy baradaky dialoga taýýardygyny tassyklady.