Türkmenistan we Italiýa ýokary derejeli saparlara taýýarlyk meselelerini maslahatlaşdy

Türkmenistanyň Italiýadaky Adatdan daşary we Doly ygtyýarly Ilçisi Toýly Kömekow çarşenbe güni Rimde Italiýanyň daşary işler we halkara hyzmatdaşlyk boýunça ministriniň orunbasary Edmondo Çirielli bilen duşuşyk geçirdi. Taraplar duşuşykda ýetip gelýän ýokary derejeli saparlaryň guramaçylyk meselelerine we gün tertibine aýratyn üns berdiler.

Türkmenistan ÝB – Merkezi Aziýa hyzmatdaşlyk forumyna gatnaşdy

Türkmenistanyň wekiliýeti Sloweniýada geçirilen Bled strategiki forumynyň çäklerinde Ýewropa Bileleşigi bilen Merkezi Aziýa ýurtlarynyň arasyndaky hyzmatdaşlygyň geljegine bagyşlanan “The Centrality of Central Asia” atly tegelek stol maslahatyna gatnaşdy. Bu barada Türkmenistanyň Belgiýadaky ilçihanasy sişenbe güni habar berdi.

Türkmenistanyň Prezidenti Pekinde Si Szinpin bilen duşuşdy

Türkmenistanyň Prezidenti Serdar Berdimuhamedow, Hytaý Halk Respublikasyna iş saparynyň çäklerinde, sişenbe güni Pekin şäherinde Hytaýyň Halk ýygnaklar öýünde HHR-iň Baştutany Si Szinpin bilen duşuşdy. Bu barada Türkmenistanyň resmi metbugaty habar berýär.

Aşgabatda Halkara senagatçylar we telekeçiler uniwersiteti açyldy

Türkmenistanynyň paýtagty Aşgabatda duşenbe güni Halkara senagatçylar we telekeçiler uniwersitetiniň açylyş dabarasy geçirildi. Täze bilim ojagynyň açylyş dabarasyna Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow gatnaşdy. Bu barada Türkmenistanyň resmi metbugaty habar berdi.

Türkmenistan ŞHG-ny Türkmenbaşy deňiz portunyň mümkinçiliklerini ulanmaga çagyrdy

Türkmenıstanyň Prezidenti Serdar Berdimuhamedow duşenbe güni Hytaýyň Týanszin şäherinde geçen “ŞHG+” sammitindäki çykyşynda Türkmenbaşy Halkara deňiz portunyň mümkinçiliklerine ünsi çekip, ýurduň bu köpugurly we kuwwatly terminalyň Şanhaý Hyzmatdaşlyk Guramasynyň bähbitlerine ulanylmagy baradaky dialoga taýýardygyny tassyklady.

Türkmenistanyň we Hytaýyň gaznalarynyň arasynda Ähtnama gol çekildi

Ýurdumyzyň wekiliýetiniň HHR-e saparynyň çäklerinde Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň bejeriş işleri boýunça wise-prezidenti Oguljahan Atabaýewa bilen Hytaýyň Sun Sinlin adyndaky gaznasynyň başlygy hanym Li Biniň arasynda duşuşyk geçirildi. O.Atabaýewa Hytaýa gelmäge çakylyk, şeýle hem bildirilen myhmansöýerlik üçin minnetdarlygyny beýan edip, geljek üçin anyk taslamalary ara alyp maslahatlaşmak, Sun Sinlin adyndaky gaznasynyň işi bilen ýakyndan tanyşmak üçin dörän mümkinçilige kanagatlanma bildirdi.

Türkmenistanyň Prezidenti:Türkmenistan bilen Hytaý hakyky dostlar we ygtybarly hyzmatdaş

Türkmenistan — Hytaý: dostluk we hyzmatdaşlyk gatnaşyklaryny pugtalandyrmagyň ýolunda

Türkmenistanyň Prezidenti Týanszin şäherindäki ŞHG sammitiniň çäklerindäki çärelere gatnaşdy

Türkmenistanyň Prezidenti Serdar Berdimuhamedow 2025-nji ýylyň 30-njy awgustynda Şanhaý Hyzmatdaşlyk Guramasynyň (ŞHG) sammitine gatnaşmak maksady bilen Hytaýyň Týanszin şäherine geldi we saparynyň ilkinji gününde sammitiň çäklerindäki çärelere gatnaşdy.

EKSPO-2025 Bütindünýä sergisindäki Türkmenistanyň Milli pawilýonynda Türkmenistanyň syýahatçylyk ulgamyna bagyşlanan halkara maslahat geçirildi

Türkmenistanyň Balkan welaýaty bilen Gazagystanyň Mangistau welaýaty strategik hyzmatdaşlygy berkidýär

Türkmen-rus uniwersiteti boýunça hökümetara ylalaşygy tamamlamak üçin tagalla ediler

Türkmenistan we Russiýa Aşgabatda türkmen-rus uniwersitetiniň döredilmegi baradaky hökümetara ylalaşyk boýunça alnyp barylýan işi tamamlamagyň zerurdygy barada ylalaşdylar. Bu barada Türkmenistanyň daşary işler ministri Raşid Meredow Russiýanyň daşary işler ministri Sergeý Lawrow bilen geçirilen gepleşikleriň netijelerine esaslanyp habar berdi.

Türkmenistan daşary işler ministri Moskwada rus kärdeşi bilen duşuşyk geçirdi

Türkmenistanyň Daşary işler ministri Raşid Meredow Moskwada rus kärdeşi Sergeý Lawrow bilen gepleşikler geçirdi. Duşuşyk ikitaraplaýyn gatnaşyklaryň berkidilmegine we dürli ugurlarda hyzmatdaşlygyň ösdürilmegine bagyşlandy. Bu barada Russiýa Federasiýasynyň DIM-i gepleşikleriň netijesi boýunça bilelikdäki metbugat        beýanatynda habar berdi.

Okuw merkeziniň işgärleri Bütindünýä gümrük guramasynyň CLiKC! Okuw platformasynyň işi boýunça tejribe alyşdylar

2025-nji ýylyň 27-nji awgustynda Türkmenistanyň Döwlet gümrük gullugynyň merkezi edarasynda Döwlet gümrük gullugynyň ýanyndaky Okuw merkeziniň hünärmenleriniň Azerbaýjan Respublikasynyň Döwlet gümrük komitetiniň Akademiýasynyň wekilleri bilen sanly ulgam arkaly duşuşygy geçirildi.

Türkmenistan we Monako Knýazlygy diplomatik gatnaşyklaryň 10 ýyllygyny belleýär

Türkmenistanyň Prezidenti Serdar Berdimuhamedow Monako Knýazlygynyň Şazadasy Albert II-a we ýurduň ähli halkyna Türkmenistan bilen Monako Knýazlygynyň arasynda diplomatik gatnaşyklaryň ýola goýulmagynyň 10 ýyllygy mynasybetli gutlaglaryny iberdi. Bu barada Türkmenistanyň resmi metbugaty sişenbe güni habar berdi.

Türkmenistan we ÝB Aşgabatda bilelikdäki iş forumyny geçirmegi maslahatlaşdy

Türkmenistanyň Belgiýa Patyşalygyndaky Ilçisi Sapar Palwanow Ýewropa Bileleşiginiň Halkara hyzmatdaşlyk boýunça Baş müdirýetiniň sebit boýunça direktory Peteris Ustups bilen duşuşyk geçirdi. Duşuşygyň barşynda 2026-njy ýylda Aşgabatda taraplaryň ykdysady gatnaşyklaryny ösdürmäge gönükdirilen “ÝB – Türkmenistan” iş forumyny geçirmegiň mümkinçilikleri ara alnyp maslahatlaşyldy. Bu barada Türkmenistanyň Belgiýadaky Ilçihanasy sişenbe güni habar berdi.

Türkmenistan we Özbegistan göni howa gatnawlaryny dikeltmegi ylalaşdylar

Türkmenistan we Özbegistan göni howa gatnawlaryny dikeltmegi ylalaşdylar. 2025-nji ýylyň 22-nji awgustynda Awazada geçirilen “Azerbaýjan – Türkmenistan – Özbegistan” üçtaraplaýyn duşuşygynyň çäklerinde raýat awiasiýasy babatda hyzmatdaşlygy ösdürmek barada teswirnama Türkmenistanyň “Türkmenhowaýollary” döwlet gullugynyň başlygy Döwran Saburow  bilen Özbegistanyň ulag ministri Ilhom Mahkamow tarapyndan gol çekildi. Bu barada “Gazeta.uz” internet neşiri ýekşenbe güni habar berdi.

TÜRKMENISTANYŇ, AZERBAÝJAN RESPUBLIKASYNYŇ WE ÖZBEGISTAN RESPUBLIKASYNYŇ BILELIKDÄKI BEÝANNAMASY

Türkmenistan, Azerbaýjan we Özbegistan bilelikdäki kärhanalary döretmek barada ylalaşdylar

Türkmenistan, Azerbaýjan we Özbegistan uzak möhletleýin, özara bähbitli hyzmatdaşlygy giňeltmek maksady bilen senagat, söwda-ykdysady, ulag hem-de medeni-ynsanperwer ulgamlarynda bilelikdäki kärhanalary döretmek we bilelikdäki taslamalary durmuşa geçirmek barada ylalaşdylar. Bu karar türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow, Azerbaýjan Respublikasynyň Prezidenti Ilham Alyýew hem-de Özbegistan Respublikasynyň Prezidenti Şawkat Mirziýoýew tarapyndan anna güni “Awaza” milli syýahatçylyk zolagynda geçirilen duşuşykda kabul edildi.

Türkmenistan, Azerbaýjan we Özbegistan täze resminamalar toplumyna gol çekdiler

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow, Azerbaýjan Respublikasynyň Prezidenti Ilham Aliýew we Özbegistan Respublikasynyň Prezidenti Şawkat Mirziýoýew anna güni Awazada üçtaraplaýyn formatyndaky duşuşyk geçirdiler. Duşuşygyň netijeleri boýunça ulag, awiasiýa hem-de söwda ugurlaryndaky hyzmatdaşlygy giňeltmäge gönükdirilen birnäçe resminamalara gol çekmek dabarasy geçirildi. Bu barada Türkmenistanyň resmi metbugaty habar berýär.

Gurbanguly Berdimuhamedow Şawkat Mirziýoýew bilen Awazada ikiçäk duşuşyk geçirdi

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow anna güni “Awaza” milli syýahatçylyk zolagynyň Kongresler merkezinde Özbegistan Respublikasynyň Prezidenti Şawkat Mirziýoýew bilen ikiçäk hem-de giňişleýin düzüminde gepleşikleri geçirdi. Bu barada Özbegistanyň Prezidentiniň resmi metbugat gullugy habar berýär.