Türkmenistan IDFC Amerikan korporasiýasy bilen ulag taslamalaryny maliýeleşdirmek meselelerini maslahatlaşdy

Amerikanyň Birleşen Ştatlarynyň Halkara ösüşi maliýeleşdirmek korporasiýasynyň (IDFC) wekilleri bilen Türkmenistanyň ulag ulgamynyň ýolbaşçy düzüminiň arasynda geçirilen gepleşikleriň esasy mazmuny bilelikdäki taslamalary maliýeleşdirmek we hyzmatdaşlygy täze şertlerde ösdürmek meseleleri boldy. Duşuşyk 2026-njy ýylyň 9-njy iýunynda Aşgabat şäherinde geçirildi.

Türkmenistanyň DIM-nde Ýaponiýanyň Ilçisi bilen duşuşyk geçirildi

Türkmenistanyň Daşary işler ministriniň Azerbaýjan Respublikasynyň Medeniýet ministri bilen duşuşygy geçirildi

Ykdysady hyzmatdaşlyk boýunça Türkmen-türk hökümetara toparynyň 9-njy mejlisi geçirildi

2026-njy ýylyň 5-nji iýunynda Türkmenistanyň Söwda-senagat edarasynda Ykdysady hyzmatdaşlyk boýunça hökümetara türkmen-türk toparynyň dokuzynjy mejlisi geçirildi. Mejlise Türkmenistanyň degişli ministrlikleriniň we pudaklarynyň ýolbaşçylary hem-de Türkiýe Respublikasynyň wise-prezidenti Jewdet Ýylmazyň ýolbaşçylygyndaky wekilçilikli topar gatnaşdy. Duşuşykda iki ýurduň Baştutanlarynyň tagallalary netijesinde dost-doganlyk gatnaşyklarynyň yzygiderli ösdürilýändigi bellenilip, ikitaraplaýyn hyzmatdaşlygy işjeňleşdirmekde bu topara möhüm ornuň degişlidigi nygtaldy.

Türkmenistanyň Ulag-logistika toplumynyň wekilleri Hytaý Halk Respublikasynda geçirilýän halkara seminara gatnaşdylar

2026-njy ýylyň 1–22-nji iýuny aralygynda Hytaý Halk Respublikasynyň Sindao şäherinde «Türkmenistan üçin akylly logistikany dolandyrmak» atly halkara seminar geçirilýär.

Aşgabatda türkmen-amerikan biznes-forumy geçirildi

2026-njy ýylyň 3-nji iýunynda Aşgabat şäherinde, Türkmenistanyň Söwda-senagat edarasynyň binasynda nobatdaky Türkmen-amerikan biznes-forumy we iki taraplaýyn duşuşyklar geçirildi. Bu çäre sebitde ykdysady hyzmatdaşlygy pugtalandyrmaga we täze maýa goýum ugurlaryny kesgitlemäge gönükdirilen strategik platforma boldy. Türkmen-amerikan Işewürlik geňeşiniň çäklerinde guralan bu resmi duşuşyga gatnaşmak üçin Aşgabada amerikan kompaniýalarynyň, şol sanda «Climate Compass», «John Deere», «CNH Industrial», «Westport Trading Europe Limited», «Palo Alto Networks», «Coca-Cola», «Valley Irrigation» we «Sig Sauer» ýaly iri korporasiýalaryň wekillerinden ybarat bolan resmi wekiliýet geldi. Duşuşygyň dowamynda taraplar milli ykdysadyýeti döwrebaplaşdyrmak we söwda-ykdysady gatnaşyklary has-da giňeltmek boýunça geljegi uly taslamalary ara alyp maslahatlaşdylar.

Aşgabatda we daşary ýurtlarda Bütindünýä welosiped güni mynasybetli köpçülikleýin çäreler geçirildi

3-nji iýunda Türkmenistanyň Prezidenti Serdar Berdimuhamedowyň gatnaşmagynda Aşgabatda köpçülikleýin welosipedli ýöriş guraldy. “Welosiped” binasynyň ýanyndan badalga alan we Ruhyýet köşgüne çenli dowam eden 11 kilometrlik bu sport çäresine Hökümet agzalary, diplomatlar, talyplar we türgenler ýaly jemi iki müňden gowrak adam gatnaşdy. Baýramçylyk mynasybetli, Gurbanguly Berdimuhamedow adyndaky haýyr-sahawat gaznasynyň adyndan Gökderede dynç alýan Döwletliler köşgüniň çagalaryna welosipedler sowgat berildi.

Türkmenistanyň Deňiz Administrasiýasy ISO 9001:2015 standartyna laýyklygyny üstünlikli tassyklady

Türkmenistanyň Deňiz we derýa ulaglary döwlet gullugynyň ýanyndaky Türkmenistanda gämi gatnawyna döwlet gözegçilik administrasiýasy öz işinde hil dolandyryşyň iň döwrebap usullaryny ornaşdyrmak bilen, ISO 9001:2015 halkara standartynyň ýokary talaplaryna laýyklykda sertifikatlaşdyrmak tapgyryny üstünlikli tamamlady.

Türkmen-hytaý strategik hyzmatdaşlygynyň esasy ugurlary ara alnyp maslahatlaşyldy

Türkmenistanyň we Azerbaýjanyň daşary işler ministrleriniň duşuşygy

Türkmenistanyň Daşary işler ministri BMG-niň Howpsuzlyk Geňeşiniň ýokary derejeli açyk pikir alyşmalaryna gatnaşdy

Türkmenistanyň Ilçisi ABŞ-nyň Prezidentine ynanç hatyny gowşurdy

Türkmenistanyň wekiliýeti GDA-nyň Parlamentara Assambleýasynyň çärelerine gatnaşdy

2026-njy ýylyň 21-22-nji maýynda Türkmenistanyň Mejlisiniň Başlygy D.Gulmanowanyň ýolbaşçylygyndaky wekiliýet Russiýa Federasiýasynyň Sankt-Peterburg şäherinde saparda bolup, GDA-nyň Parlamentara Assambleýasynyň Geňeşiniň mejlisine hem-de guramanyň 60-njy plenar mejlisine gatnaşdy.

Milli döwletliligiň we agzybirligiň dabaralanmasy: Türkmenistanda Konstitusiýanyň we Döwlet baýdagynyň güni bellenildi

2026-njy ýylyň 18-nji maýynda bütin Türkmenistanda ýurduň syýasy-hukuk we ruhy durmuşynda öçmejek yz galdyran mukaddes seneler — Türkmenistanyň Konstitusiýasynyň hem-de Döwlet baýdagynyň güni dabaraly ýagdaýda bellenilip geçildi. Ýurduň ösüşiň täze tapgyrlaryna gadam basýan döwründe aýratyn many-mazmuna eýe bolan bu goşa baýram mynasybetli paýtagtymyz Aşgabatda, Arkadag şäherinde we ähli welaýatlarda giň gerimli medeni-jemgyýetçilik çäreleri, ylmy-amaly maslahatlar we aýdym-sazly dabaralar guraldy. Resmi metbugatyň habar bermegine görä, şanly sene mynasybetli guralan dabaralaryň çäginde Türkmenistanyň Prezidenti Serdar Berdimuhamedow Konstitusiýa binasyna gül goýmak dabarasyna gatnaşdy hem-de merdana halkymyza baýramçylyk gutlagyny ýollady.

Hazarüsti ulag geçelgesini sanlylaşdyrmak boýunça halkara okuw maslahaty geçirildi

2026-njy ýylyň 11-14-nji maýy aralygynda Gazagystan Respublikasynyň Astana şäherinde BMG-niň Ykdysadyýetleri üçin Ýörite Maksatnamasynyň (SPECA) gatnaşyjy ýurtlary üçin Hazarüsti ulag geçelgesiniň ugrunda multimodal maglumatlaryň we resminamalaryň alyş-çalşygyny sanlylaşdyrmak hem-de BMG-niň ülňülerine laýyk getirmek boýunça halkara okuw maslahaty geçirildi. BMG-niň Ýewropa ykdysady komissiýasy (UNECE), TRACECA-nyň Hemişelik sekretariaty we Gazagystanyň Hökümeti tarapyndan gurnalan bu çärä sebitiň döwletleriniň we halkara guramalaryň wekilleri, şeýle hem Döwlet gullugynyň Daşary ykdysady gatnaşyklar we logistika bölüminiň hem-de Türkmenbaşy Halkara deňiz portunyň hünärmenlerinden ybarat bolan türkmen wekilýeti gatnaşdy.

Türkmenistanyň Mejlisiniň Başlygynyň Özbegistan Respublikasyna iş sapary

Merkezi Aziýanyň logistika strategiyasy Astanada kesgitlener: Türkmen işewürleri halkara foruma çagyrylýar

2026-njy ýylyň 9–10-njy iýulynda Gazagystanyň paýtagty Astana şäherinde sebitiň ulag-logistika ulgamynyň geljegini kesgitlejek “CENTRAL ASIA TRANSPORT, LOGISTICS & INVESTMENT FORUM 2026” atly halkara maslahat we sergi geçiriler. “Türkmen Logistika” assosiasiýasynyň habar bermegine görä, bu iri göwremli çäre Türkmenistanyň ulag we ekspeditorlyk kompaniýalary üçin halkara hyzmatdaşlygy giňeltmekde strategik ähmiýete eýedir.

Türkmenistanyň Halk Maslahatynyň Başlygynyň Russiýa Federasiýasynyň Tatarystan Respublikasyna sapary başlandy

Aşgabat şäherinde GDA agza ýurtlaryň demir ýol ulagy boýunça Geňeşiniň 84-nji halkara mejlisi öz işine başlady

Türkmenistanyň gämi gurluşygynda täze döwür: “Gadamly” ilkinji halkara ýüzüşinde

Türkmenistanyň deňizçilik taryhynda möhüm waka bolup geçen “Gadamly” gämisi ilkinji halkara ýüzüşini üstünlikli amala aşyrdy. Türkmenistanyň Deňiz we derýa ulaglary döwlet gullugynyň buýurmasy esasynda Balkan gämi gurluşyk we abatlaýyş zawody tarapyndan gurlan häzirki zaman “Gadamly” gury ýük gämisi ilkinji halkara saparyny amala aşyryp, Baku Halkara Deňiz Porty portuna bardy.