Resmi web sahypasy
English Русский
Türkmenistanyň Deňiz we derýa ulaglary döwlet gullugy

14:32

05 2 2026
Habarlar
RSS
17 Dek 2024
Aşgabatda «Iran Agrofood» ýöriteleşdirilen sergisi geçirilýär

2024-nji ýylyň 16-njy dekabrynda Türkmenistanyň Söwda-senagat edarasynyň binasynda Eýran Yslam Respublikasynyň «Iran Agrofood» atly 16-njy ýöriteleşdirilen sergisi öz işine başlady, şeýle hem onuň çäklerinde nobatdaky Türkmen-eýran işewürlik maslahaty geçirildi. Sergi 18-nji dekabra çenli dowam eder. Üç günüň dowamynda Eýranyň oba hojalygynda we azyk senagatynda ýöriteleşen kompaniýalaryň öndürýän önümleridir hyzmatlary bilen tanyşdyrarlar, şeýle hem kärhanalaryň ösüş meýilnamasy we beýleki gyzyklandyrýan meseleler boýunça giňişleýin gürrüň bererler. Bu barada TDH habar berýär.

17 Dek 2024
Türkmenistanyň Prezidenti ykdysady hyzmatdaşlygy maslahatlaşmak üçin ABŞ-nyň işewür toparlarynyň wekilleri bilen duşuşdy

Türkmenistanyň Prezidenti Serdar Berdimuhamedow türkmen-amerikan işewürlik maslahatyna gatnaşmak üçin ýurdumyza gelen türkmen-amerikan işewürler geňeşiniň ýerine ýetiriji direktory Erik Stýuarty, “John Deere” kompaniýasynyň Merkezi Aziýada strategik hyzmatdaşlygy ösdürmek boýunça ýolbaşçysy Çaba Leýkony we “Westport Trading Europe Limited” kompaniýasynyň müdiriýetiniň başlygy Nikolaý Ýurçenkony kabul etdi. Bu barada Türkmenistanyň döwlet habarlar gullugynyň resmi saýty habar berýär.

16 Dek 2024
Türkmenistanda Baş täze ýyl arçasynyň yşyklary ýakyldy

2024-nji ýylyň 15-nji dekabrynda Aşgabatda uzak garaşylan we hemmeler üçin eziz baýramyň golaýlaşyp gelýändiginiň nyşany bolan Baş täze ýyl arçasynyň yşyklarynyň ýakylyş dabarasy geçirildi. Bu barada Türkmenistanyň resmi metbugaty habar berdi.

16 Dek 2024
Türkmenistan howanyň üýtgemegine garşy göreş boýunça sebitleýin hyzmatdaşlygy berkidýär

Türkmenistanyň wekiliýeti ygtybarlylyk –hyzmatdaşlaryna indiki ýyl üçin ylalaşylan çäreleri beýan etmek we şu ýylda «Merkezi Aziýada howa howpuny dolandyrmak» atly sebit maksatnamasynyň çäginde ýerine ýetirilen işler barada hasabat bermek boýunça maslahata gatnaşdylar. Bu barada "Türkmenistan: Altyn asyr" habar berýär.

16 Dek 2024
“Türkmendeňizderýaýollary” agentligi, “Türkmennebit” döwlet konserniň Türkmenbaşydaky nebiti gaýtadan işleýän zawodlar toplumy, Medeni sport toplumy kitaphanalary bilelikde çeper okaýyş çäresini geçirdi

Berkarar döwletiň täze eýýamynyň Galkynyşy döwründe tamamlanyp barýan”Pähim-paýhas ummany Magtymguly Pyragy” ýylynda eziz Türkmenistan Watanymyz Arkadagly Gahryman Serdarymyzyň baştutanlygynda ähli ulgamlar boýunça belent sepgitlere ýetdi. Bu ýylda ýurdumyz, halkymyz üçin alnyp barylan tutumly işler, şahyryň şanyna halkara derejesinde toýlanan toýlar, geçirilen halkara we ýokary derejeli çäreler muňa şaýatlyk edýär.

14 Dek 2024
Türkmenistan bilen BMG-niň arasynda durnukly ösüş ugrunda 2021 – 2025-nji ýyllar üçin hyzmatdaşlygyň Çarçuwaly Maksatnamasynynyň Ýolbaşçy komitetiniň nobatdaky mejlisi

2024-nji ýylyň 13-nji dekabrynda Türkmenistanyň Daşary işler ministrliginiň binasynda Türkmenistanyň Hökümeti bilen BMG-niň arasynda durnukly ösüş ugrunda 2021 – 2025-nji ýyllar üçin hyzmatdaşlygyň Çarçuwaly Maksatnamasynynyň Ýolbaşçy komitetiniň utgaşykly görnüşdäki mejlisi geçirildi. Bu barada. Bu barada "Türkmenistan: Altyn asyr" habar berýär.

13 Dek 2024
Türkmenistan 2025-2026-njy ýyllar üçin GDA-da ynsanperwer hyzmatdaşlyk meýilnamasyny taýýarlamaga we kabul etmäge gatnaşdy

2024-nji ýylyň 12-nji dekabrynda Moskwada Garaşsyz Döwletleriň Arkalaşygynyň hökümet baştutanlarynyň geňeşiniň mejlisi bolup geçdi. Oňa Türkmenistanyň Belarus Respublikasyndaky Adatdan daşary we Doly ygtyýarly ilçisi, Türkmenistanyň GDA-nyň kanuny we beýleki edaralaryndaky hemişelik doly ygtyýarly wekili Nazarguly Şagulyýew gatnaşdy.

13 Dek 2024
Bitaraplyk-Türkmenistanyň daşary syýasatynyň milli nusgasy

Birleşen Milletler Guramasynyň Baş Assambleýasy 1995-nji ýylyň 12-nji dekabrynda dünýäniň 185 döwletiniň biragyzdan ses bermegi bilen Türkmenistanyň hemişelik Bitaraplygy barada Kararnama kabul edildi. Indi her ýylyň 12-nji dekabry ýurdumyzda Halkara Bitaraplyk güni toý-dabara bilen uludan bellenilýär.

13 Dek 2024
Türkmenistan bilen Şweýsariýanyň arasyndaky gatnaşyklar ösýär

2024-nji ýylyň 12-nji Türkmenistanyň daşary işler mininstri bilen Halkara Bitaraplyk güni mynasybetli guralýan çärelere gatnaşmak üçin Aşgabatda saparda bolan Şweýsariýa Konfederasiýasynyň Türkmenistandaky Adatdan daşary we Doly ygtyýarly ilçisiniň (oturýan ýeri Baku ş.) arasynda duşuşyklar geçirildi.

11 Dek 2024
“Türkmenistan” awiakompaniýasynyň halkara uçuşlarynda wagtyňy geçirmek üçin multimediýa ulgamy döredildi

“Türkmenistan” awiakompaniýasynyň ýolagçylary indi halkara gatnawlary amala aşyrýan iri uçarlaryň ýolagçy salonynda wagtyňy geçirmek üçin mugt multimediýa ulgamyndan peýdalanyp bilerler. Täze hyzmat ýolagçylar üçin oňaýlylygy ýokarlandyrmakdan we amatly gurşawy döretmekden ybaratdyr. Bu barada Türkmenistanyň resmi metbugaty habar berdi.

11 Dek 2024
Türkmenbaşy şäherinde ulag-aragatnaşyk pudagynyň işgärleri üçin ýaşaýyş jaý toplumynyň açylyş dabarasy boldy

Ýurdumyzda giňden bellenilýän şanly seneler mynasybetli täze binalary we desgalary ulanmaga bermek asylly däbe öwrülip, Bitaraplyk baýramynyň  şanly senesiniň öňüsyrasynda, ýagny, 2024-nji ýylyň 11-nji dekabrynda Türkmenbaşy şäherinde ulag-aragatnaşyk pudagynyň işgärleri üçin 5 sany 4 gatly 300 hojalyga niýetlenen ýaşaýyş jaýy ulanmaga berildi. Açylyş dabarasyna şäher we etrap döwlet edara-kärhanalaryň, jemgyýetçilik guramalarynyň, köpçülikleýin habar beriş serişdeleriniň wekilleri, il sylagly ýaşulular, köp sanly ýaşaýjylar hem-de myhmanlar gatnaşdylar.

10 Dek 2024
Türkmenistan Russiýa elektron wiza almak mümkinçiligi döredilen ýurtlaryň sanawyna girdi

Türkmenistan Russiýa syýahat etmek üçin raýatlary bitewi elektron wiza alyp bilýän döwletleriň täzelenen sanawyna giren ýurtlaryň hatarynda boldy.

10 Dek 2024
Türkmenistanyň Daşary işler ministri BMG-niň Baş sekretarynyň kanunyň hökmürowanlygy we howpsuzlyk edaralary boýunça Kömekçisi bilen duşuşdy

9-njy dekabrda Türkmenistanyň DIM-inde daşary işler ministri bilen «Halkara parahatçylygy we durnukly ösüşi pugtalandyrmakda bilelikdäki tagallalar» atly halkara maslahata hem-de Halkara Bitaraplyk gününe bagyşlanan çärelere gatnaşmak üçin Aşgabada sapar bilen gelen BMG-niň Baş sekretarynyň kanunyň hökmürowanlygy we howpsuzlyk edaralary boýunça kömekçisi Aleksandr Zuýewiň arasynda duşuşyk geçirildi. Bu barada Türkmenistanyň daşary işler ministrliginiň metbugat gullugy habar berdi.

09 Dek 2024
Bilermenler Beýik Ýüpek ýolunyň Hazarýaka şahalaryny ÝUNESKO-nyň Bütindünýä mirasynyň sanawyna girizmegi maslahatlaşdylar

Aşgabatda Beýik Ýüpek ýolunyň Hazarýaka şahalaryny ÝUNESKO-nyň Bütindünýä mirasynyň sanawyna girizmek boýunça halkara bilermenleriň sebitleýin duşuşygy geçirildi. Bu barada TDH habar berýär.

09 Dek 2024
Aşgabatda «Türkmenistan – BMG» strategik maslahat beriş geňeşiniň üçünji mejlisi geçirildi

2024-nji ýylyň 6-njy dekabrynda Türkmenistanyň Daşary işler ministrliginde «Türkmenistan – BMG» strategik maslahat beriş geňeşiniň üçünji mejlisi geçirildi. Bu barada DIM-iň resmi saýty habar berýär.

09 Dek 2024
Türkmen halkynyň Milli Lideri Haýyr-sahawat gaznasynyň mejlisini geçirdi

Türkmen halkynyň Milli Lideri, Türkmenistanyň Halk Maslahatynyň Başlygy 2024-nji ýylyň 7-nji dekabrynda Arkadag şäherinde Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň müdiriýetiniň mejlisini geçirdi. Onda Gaznanyň 2024-nji ýylda alyp baran işleriniň jemi hem-de howandarlyga mätäç çagalara goldaw bermegi işjeňleşdirmek boýunça çäreler ara alnyp maslahatlaşyldy. Bu  barada BT resmi saýty habar berýär.

07 Dek 2024
Türkmenistan ÝHHG-niň DIM-niň Geňeşiniň Maltada geçirilen mejlisine gatnaşdy

Daşary işler ministriniň orunbasary Mähri Bäşimowanyň ýolbaşçylygyndaky Türkmenistanyň wekiliýeti 2024-nji ýylyň 5-6-njy dekabrynda Malta döwletiniň paýtagty Wallettada geçirilen Ýewropada Howpsuzlyk we Hyzmatdaşlyk Guramasynyň Daşary işler ministrleriniň geňeşiniň 31-nji mejlisine gatnaşdy. Bu barada Türkmenistanyň DIM-ni habar berýär.

06 Dek 2024
Umumy maksat: ulaglary dekarbonizasiýalaşdyrmak

Ulag-aragatnaşyk ulgamy ykdysady ösüşi ýokarlandyrýar we ýurtlary birikdirýär, muňa garamazdan dünýädäki parnik gazlarynyň(GHG) köpelmegine hem  sebäp bolýar. Halkara gämi gatnawlary, içerki ulag ulgamlary we halkara howa ýollary, BMG-niň guramalary zyňyndylary azaltmak boýunça sebitleýin we global derejede işler alyp barýarlar.

06 Dek 2024
Türkmenistanda Halkara Bitaraplyk güni mynasybetli “Rally-reýd” boýunça çempionat geçirildi

2024-nji ýylyň 2-3-nji dekabrynda Garagum sährasynda Halkara Bitaraplyk güni mynasybetli awtomobil sportunyň “Rally-reýd” görnüşi boýunça Türkmenistanyň çempionaty geçirildi. Çäre Ahal we Balkan welaýatlaryň çäginde gurnalyp, oňa gatnaşyjylar 161 km aralyk ýol geçdiler. Ýoluň 138 km-i 2-nji dekabrda, galan 23 km-i bolsa 3-nji dekabrda geçildi. Çempionat Türkmenistanyň Awtomobil sport federasiýasy we Türkmenistanyň Bedenterbiýe we sport baradaky döwlet komitetiniň goldamagynda geçirildi.

06 Dek 2024
Brýusselde Türkmenistan – ÝB Bilelikdäki komitetiniň mejlisi geçirildi

2024-nji ýylyň 4-nji dekabrynda Brýusselde Türkmenistan–Ýewropa Bileleşigi Bilelikdäki komitetiniň 23-nji mejlisi geçirildi. Türkmenistanyň wekiliýetine Maliýe we ykdysadyýet ministri ýolbaşçylyk etdi. Wekiliýetiň düzümine Türkmenistanyň ministrlikleriň we pudak edaralarynyň, şol sanda Daşky gurşawy goramak, Bilim, Daşary işler, Maliýe we ykdysadyýet ministrlikleriniň, şeýle hem Türkmenistanyň Ministrler Kabinetiniň ýanyndaky Ulag we kommunikasiýalar agentliginiň wekilleri girdi. . Bu barada Türkmenistanyň habarlar portaly resmi saýty habar berýär.