Koreýa Respublikasynyň Internet we maglumat howpsuzlygy agentligi bilen kiberhowpsuzlyk boýunça duşuşyk geçirildi

2025-nji ýylyň 10-nji aprelinde kiberhowpsuzlyk boýunça wideoaragatnaşyk arkaly duşuşyk geçirildi. Duşuşyga Türkmenistanyň Daşary işler ministrliginiň, “Türkmenaragatnaşyk” agentliginiň ýanyndaky Döwlet kiberhowpsuzlyk gullugynyň hem-de Koreýa  Respublikasynyň Internet we maglumat howpsuzlygy agentliginiň (KISA) degişli wekilleri gatnaşdy.

Türkmenistanyň wekiliýeti GDA-nyň Daşary işler ministrleriniň geňeşiniň nobatdaky mejlisine we “Merkezi Aziýa – Russiýa” formatyndaky duşuşyga gatnaşdy

2025-nji ýylyň 11-nji aprelinde Türkmenistanyň Daşary işler ministriniň orunbasary Ahmet Gurbanowyň ýolbaşçylygyndaky Türkmenistanyň wekiliýeti Almaty şäherinde geçirilen Garaşsyz Döwletleriň Arkalaşygyna gatnaşyjy döwletleriniň Daşary işler ministrleriniň geňeşiniň nobatdaky mejlisine gatnaşdy.

Türkmenistanyň wekiliýetiniň Bütindünýä söwda guramasynyň Baş direktory bilen duşuşygy geçirildi

2025-nji ýylyň 9-njy aprelinde Ženewa amala aşyrylan saparyň çäginde Türkmenistanyň Ministrler Kabinetiniň Başlygynyň Orunbasary Hojamyrat Geldimyradow Bütindünýä söwda guramasynyň (BSG) Baş direktory Ngozi Okonjo-Iweala bilen duşuşdy.

Italiýanyň Daşary işler we halkara hyzmatdaşlygy ministriniň orunbasary bilen duşuşyk geçirildi

2025-nji ýylyň 9-njy aprelinde Türkmenistanyň Daşary işler ministriniň orunbasary A.Gurbanow bilen Italiýanyň Daşary işler we halkara hyzmatdaşlygy ministriniň orunbasary Edmondo Çirielliniň arasynda duşuşyk geçirildi.

Ženewada Türkmenistanyň wekiliýeti SPECA-nyň ministrler duşuşygyna we UNECE-iň 71-nji mejlisine gatnaşdy

BMG-niň Merkezi Aziýanyň ykdysadyýetleri üçin ýörite maksatnamasynda (SPECA) Türkmenistanyň başlyklygynyň çäginde 2025-nji ýylyň 8-nji aprelinde Ženewadaky Milletler Köşgünde SPECA agza ýurtlaryň ministrler duşuşygy geçirildi.

Türkmenistanyň Mejlisiniň Başlygynyň ýolbaşçylygyndaky wekiliýet Parlamentara bileleşigiň 150-nji ýubileý Assambleýasyna gatnaşdy

2025-nji ýylyň 5-7-nji apreli aralygynda Türkmenistanyň Mejlisiniň Başlygy Dünýägözel Gulmanowanyň ýolbaşçylygyndaky türkmen wekiliýeti Daşkent şäherinde geçirilen Parlamentara bileleşigiň 150-nji ýubileý Assambleýasyna gatnaşmak maksady bilen Özbegistan Respublikasynda saparda boldy.

Hazar deňziniň meseleleri boýunça türkmen-eýran geňeşmeleri geçirildi

2025-nji ýylyň 7-8-nji apreli aralygynda Aşgabat şäherinde Türkmenistanyň Hazar deňzi institutynda deňiz serhet çyzygyny kesgitlemek, balykçylyk sebitleriniň çäklerini anyklamak, başlangyç çyzygy çekmek, şeýle hem Hazar deňziniň düýbi boýunça araçäkleriniň bellenilmegi bilen bagly meseleler we degişli resminalar babatynda ikitaraplaýyn geňeşmeler geçirildi.

Aprel aýynda Malaýziýada Türkmenistanyň halkara maýa goýum forumy geçiriler

Şu ýylyň 23-24-nji aprelinde Malaýziýanyň Kuala-Lumpur şäherinde Türkmenistanyň ykdysadyýetine daşary ýurt maýa goýumlaryny çekmek boýunça halkara forum (TEIF 2025) geçiriler. Türkmenistanyň maýa goýum mümkinçilikleri bilen tanyşdyrmak, halkara hyzmatdaşlygy ösdürmek, daşary ýurtlaryň geljegi uly maýadarlary bilen özara gatnaşyklary ýola goýmak bu çäräniň esasy wezipeleri bolup durýar diýip, Türkmenistanyň Söwda-senagat edarasy habar berýär.

Türkmenistanyň Prezidenti Serdar Berdimuhamedow köpçülikleýin welosipedli ýörişe gatnaşdy

2025-nji ýylyň 7-nji aprelinde Türkmenistan Bütindünýä saglyk gününi giňden baýram etdi. Dabaraly çäreleriň merkezi bölegi hökmünde paýtagtymyz Aşgabatda uly welosipedli ýöriş geçirildi. Bu ýörişe hormatly Prezidentimiz Serdar Berdimuhamedow gatnaşdy, bu barada TDH habar berýär.

Türkmenistan bilen Ýaponiýanyň arasynda bilim hyzmatdaşlygynyň täze sahypasy: Wodorod energiýasy boýunça Ähtnama gol çekildi

2025-nji ýylyň 7-nji aprelinde Türkmenistanyň Bilim ministrligi bilen Ýaponiýanyň öňdebaryjy ýokary okuw mekdepleriniň biri bolan Sukuba uniwersitetiniň arasynda wodorod energiýasy boýunça bilelikdäki ylmy-barlaglar babatda hyzmatdaşlyk etmek baradaky özara düşünişmek hakynda Ähtnama gol çekildi. Bu möhüm waka wideoaragatnaşyk görnüşde, ýokary derejede guramaçylykly geçirildi. Bu barada Türkmenistanyň Bilim Ministrliginiň resmi saýty habar berdi.

Türkmenistanda ulag we aragatnaşyk pudagynyň ähli görnüşleri birinji çärýekde oňyn ösüş depginini görkezdi

Şu ýylyň birinji çärýeginde Türkmenistanyň ulag we aragatnaşyk pudagynda işleriň we hyzmatlaryň ösüş depgini 118,4 göterime ýetdi. TDH-nyň habar bermegine görä, Türkmenistanyň Ministrler Kabinetiniň ýanyndaky Ulag we kommunikasiýalar agentliginiň baş direktory   ministrler kabinetiniň mejlisinde bu barada hasabat berdi.

Türkmenistanyň Prezidenti watandaşlaryny Bütindünýä saglyk güni bilen gutlady

Şu gün Türkmenistanda Bütindünýä saglyk güni giňden bellenilýär. Şu mynasybetli Prezident Serdar Berdimuhamedow watandaşlaryna baýramçylyk Gutlagy bilen ýüzlendi.

Türkmenistanyň Prezidenti Samarkant halkara klimat forumyna gatnaşdy

2025-nji ýylyň 4-nji aprelinde “Merkezi Aziýa – Ýewropa Bileleşigi” görnüşindäki birinji sammite gatnaşmak üçin Samarkantda bolýan Prezident Serdar Berdimuhamedow bu ýerde geçirilýän “Merkezi Aziýa ählumumy howa meseleleriniň öňünde: bilelikdäki abadançylyk üçin jebislik” atly halkara foruma gatnaşdy.

Türkmenistanyň Prezidenti «Merkezi Aziýa — Ýewropa Bileleşigi» görnüşindäki birinji sammite gatnaşdy

2025-nji ýylyň 5-nji aprelinde Prezident Serdar Berdimuhamedow «Merkezi Aziýa – Ýewropa Bileleşigi» görnüşindäki birinji sammite gatnaşdy.

Tokioda «2025 – Halkara parahatçylyk we ynanyşmak ýylyna» bagyşlanan forum geçirildi

2025-nji ýylyň 4-nji aprelinde Türkmenistanyň Tokiodaky Ilçihanasy Ýaponiýanyň dostlukly alyş-çalyş geňeşi bilen bilelikde guramagynda «2025 – Halkara parahatçylyk we ynanyşmak ýylyna» bagyşlanan medeni forum geçirildi.

Merkezi Aziýada parahatçylyk we ynanyşmak ÝHHG-niň Baş sekretary bilen ara alnyp maslahatlaşyldy

«Halkara parahatçylyk we ynanyşmak ýyly: agzybirligiň, parahatçylygyň, ynsanperwerligiň, dost-doganlyk gatnaşyklarynyň dünýä ýüzüne dabaralanmasy» atly maslahat

2025-nji ýylyň 3-nji aprelinde paýtagtymyzyň “Mekan” köşgünde “Halkara parahatçylyk we ynanyşmak ýyly: agzybirligiň, parahatçylygyň, ynsanperwerligiň, dost-doganlyk gatnaşyklarynyň dünýä ýüzüne dabaralanmasy” atly maslahat geçirildi. Bu barada DIM-iň resmi saýty habar berýär.

Türkmenistanyň DIM-nde Migrasiýa boýunça halkara guramasynyň Merkezi Aziýa boýunça sebitleýin utgaşdyryjysy bilen duşuşyk geçirildi

2025-nji ýylyň 2-nji aprelinde Türkmenistanyň DIM-nde Türkmenistanyň Daşary işler ministri Raşid Meredowyň Migrasiýa boýunça halkara guramasynyň Merkezi Aziýa boýunça sebitleýin utgaşdyryjysy Serhan Aktoprak bilen duşuşygy geçirildi. Bu barada DIM-iň resmi saýty habar berýär.

Serdar Berdimuhamedow: Türkmenistan ÝB bilen hyzmatdaşlygy ösdürmäge taýýar

2025-nji ýylyň 3-nji aprelinde Türkmenistanyň Prezidenti Serdar Berdimuhamedow penşenbe güni Samarkant şäherinde Ýewropa Komissiýasynyň Başlygy Ursula fon der Lýaýen bilen duşuşdy. Gepleşikleriň barşynda Türkmenistanyň döwlet Baştutany ikitaraplaýyn gatnaşyklaryň häzirki ýagdaýyna ýokary baha berip, öz ýurdunyň hyzmatdaşlygy mundan beýläk-de ösdürmäge taýýardygyny mälim etdi diýip, Türkmenistanyň resmi metbugaty habar berýär.

Türkmenistanyň Prezidenti Özbegistanyň döwlet Baştutany bilen duşuşdy

2025-nji ýylyň 3-nji aprelinde Samarkant şäherine iş saparynyň çäklerinde Türkmenistanyň Prezidenti Serdar Berdimuhamedow Özbegistanyň Prezidenti Şawkat Mirziýoýew bilen duşuşdy. Gepleşikler “Merkezi Aziýa – Ýewropa Bileleşigi” birinji sammitiň çäklerinde geçirildi diýip, Türkmenistanyň resmi metbugaty habar berýär.