Resmi web sahypasy
English Русский
Türkmenistanyň Deňiz we derýa ulaglary döwlet gullugy

04:55

11 10 2025
Habarlar
RSS
18 Okt 2023
Agentliginiň Sanly tehnologiýalar we maglumat howpsuzlygy bölüminiň hünärmenleri Türkmenbaşy şäherindäki Deňizçilik orta hünär okuw mekdebiniň talyparyna okuw sapagyny geçirdi

2023-nji ýylyň 18-nji oktýabrynda «Türkmendeňizderýaýollary» agentliginiň Sanly tehnologiýalar we maglumat howpsuzlygy bölüminiň hünärmenleri tarapyndan Türkmenbaşy şäherindäki Deňizçilik orta hünär okuw mekdebiniň Maglumaty goramagyň tehnologiýasy we ony guramak hünäriniň talyplaryna “Innowasion tehnologiýalar we maglumat howpsuzlygy” atly mowzugynda okuw maslahaty geçirdi.

16 Okt 2023
«Türkmendeňizderýaýollary» agentliginiň Buhgalteriýa hasaba alyş we maliýe hasabaty bölümi okuw maslahatyny geçirdi.

2023-nji ýylyň 16-njy oktýabrynda “Çarlak” myhmanhanasynyň mejlisler zalynda «Türkmendeňizderýaýollary» agentligiň we onuň garamagyndaky edara-kärhanalaryň, paýdarlar jemgyýetleriň Buhgalteriýa hasaba alyş we maliýe hasabaty bölüm başlyklarynyň, hünärmenleriniň we Türkmenbaşy şäheriniň Maliýe we ykdysadyýet bölüminiň, Türkmenbaşy şäher salgyt bölüminiň hem-de Türkmenistanyň Döwlet Daşary ykdysady iş bankynyň Türkmenbaşy şäherindäki şahamçasynyň wekilleriniň  gatnaşmagynda amaly  okuw maslahaty geçirildi.

14 Okt 2023
Türkmenistan Astrahanda geçiriljek halkara ulag forumyna gatnaşar

25-26-njy oktýabrda Astrahanda «Demigrazyk — Günorta» HUG — täze konsepsiýa» atly halkara forum geçiriler. Bu barada Russiýa Federasiýasynyň Astrahan oblastynyň Daşary aragatnaşyklar ministrligi habar berdi.

13 Okt 2023
Energetika pudagyndaky hyzmatdaşlyk

2023-nji ýylyň 10-njy oktýabrynda Buharest şäherinde türkmen-rumyn iş toparynyň energetika babatda hyzmatdaşlyk etmek boýunça ýedinji mejlisi geçirildi. Türkmen wekiliýetine “Türkmennebit” döwlet konserniniň başlygy Guwanç Agajanow ýolbaşçylyk etdi. Rumyn wekiliýetine Rumyniýanyň Energetika ministrliginiň Döwlet sekretary Jenap Pawel-Kasian Nitulesku ýolbaşçylyk etdi.

13 Okt 2023
«Türkmendeňizderýaýollary» agentliginde «Damen Shipyards Gorinchem B.V.» kompaniýanyň wekilleriniň we Agentligiň ýolbaşçylarynyň arasynda duşuşyk geçirildi

2023-nji ýylyň 13-nji oktýabrynda «Türkmendeňizderýaýollary» agentliginde «Damen Shipyards Gorinchem B.V.» kompaniýanyň wekilleriniň we Agentligiň ýolbaşçylarynyň arasynda duşuşyk geçirildi.

12 Okt 2023
«Türkmendeňizderýaýollary» agentliginiň hünärmenleri «Türkmenistanyň maliýe we bank ulgamy» atly okuw maslahatyny geçirdiler

Talyplaryň bilim derejesini artdyrmakda okuw maslahatlaryň geçirilmegi möhüm orny eýeleýär. Bu babatda, «Türkmendeňizderýaýollary» agentliginiň hünärmenleri Türkmenbaşy şäherindäki Deňizçiik orta hünär okuw mekdebiniň talyplaryna Türkmenistanyň maliýe we bank ulgamyna bagyşlanan okuw mslahaty gurnaldy.

10 Okt 2023
2023-nji ýylyň 9 aýy boýunça daşalan ýükleriň ösüş depgini

«Türkmendeňizderýaýollary» tarapyndan 2023-nji ýylyň ýanwar-sentýabr aýlarynda ýük daşamagyň umumy mukdary 2022-nji ýylyň degişli döwürleri bilen deňeşdirilende 119,9%  ösüş gazanyldy we 2 287,7 million tonna ýetdi. Umuman aýdylanda 2023-nji ýylyň ýanwar-sentýabr aýlarynda ýük daşamak boýunça Agentligiň meýilnamasy 122,3 % ýerine ýetirildi.

07 Okt 2023
Aktau şäherinde Iş toparynyň ýygnagy we «Trans-Hazar halkara ulag geçelgesi» Halkara Guramasynyň Umumy ýygnagy geçirildi.

Duşuşygyň dowamynda Umumy ýygnaga gatnaşyjylar TMTM ugry boýunça ýük daşamalarynyň artandygyny belläp, TMTM ugry boýunça konteýner otlylaryndan ýük daşamaklygy gurnamakda bilelikdäki hereketler we jogapkärçilik barada çäreler babatynda Ylalaşyga we Hazar deňziniň portlarynyň arasynda (Aktau – Baku (Alýat)) halkara demir-deňiz ýollaryndan fider gämileriniň gatnaşmagynda konteýner daşamalary gurnamak baradaky Ylalaşyga gol çekdiler.

04 Okt 2023
Gazagystan Respublikasynyň işewür kompaniýalarynyň ýolbaşçylary, telekeçileri tarapyndan Türkmenbaşy Halkara deňiz portyna iş sapary bilen geldiler

2023-nji ýylyň 4-nji oktýabrynda Gazagystan Respublikasynyň işewür kompaniýalarynyň ýolbaşçylary, telekeçileri tarapyndan Türkmenbaşy Halkara deňiz portyna iş sapary bilen geldiler. Saparyň dowamynda myhmanlar deňiz portunyň mümkinçilikleri we kuwwaty bilen ýakyndan tanyşdylar. Myhmanlar portuň ýolagçy-parom we ýük terminallaryna baryp, her terminalyň aýratynlyklary we ýükleriň görnüşlerine görä göz öňüne tutulan häzirki zaman enjamlarynyň portuň çäginde amallary ýerine ýetirilişi bilen ýerinde tanyşdylar. Myhmanlar portuň meýdanynda uly gabaraly ýükleri ýüklemek we düşürmek üçin niýetlenen ýük göteriji tehniklarynyň işleýşine syn etdiler. Soňra myhmanlara deňiz portuň terminallaryň çäklerindäki açyk we ýapyk ammarlary hem-de gümrük ammarynyň hyzmatlary barada, ýagny deňiz portunyň gümrük ammarynda ýükleri we harytlary gümrük paçlaryny tölemezden 3 ýyla çenli saklamaga mümkinçilik berýändigi barada tanyşdyryldy. Mundan başga-da myhmanlar port tarapyndan ýerine ýetirilýän hyzmatlaryň nyrhlary we sarp edilýän wagt barada gyzyklanma bildirdiler.

04 Okt 2023
«Balkan» gämi gurluşyk we abatlaýyş zawodynyň mümkinçilikleri Astana şäherindäki ulag forumynda aýratyn ünsi çekdi

Ilkinji gämileriniň gurluşygyna başlan «Balkan» gämi gurluşyk we abatlaýyş zawodynyň mümkinçilikleri «New Silk Way» VI halkara ulag we logistika işewürlik forumyna gatnaşyjylaryň arasynda uly gyzyklanma döredendigi barada diýip, “Orient” internet habarlar çeşmesi habar berýär. Bu işewürlik forumy Gazagystanyň paýtagt şäheri Astanada geçirilýär.

01 Okt 2023
Rostow-na-Donu portunyň golaýynda däne önümlerini daşaýan ýük awtoulaglary üçin duralgalary dörediler

Rostow oblastynyň ýolbaşçylary tarapyndan Azow  deňiz portuna barýan ýollarda howpsuzlygy  we tertibi üpjün etmek üçin çäreler görülýär. Olar esasanam, däne önümlerini daşaýan awtoulaglary üçin aýratyn duralgalaryny döretmegi meýilleşdirýärler. Bu döredilen şertleriň netijesinde, ýollaryň gyralaryndaky düzgünsizlikleriň we sebitleriň hem-de şäherleriň ýollaryna ýetirilýän zyýanlaryň azalmagyna garaşylýar.

28 Sen 2023
«Türkmendeňizderýaýollary» agentliginiň ýanyndaky Türkmenistanda gämi gatnawyna döwlet gözegçilik administrasiýasynyň hünärmenleri “Halkara deňiz konwensiýalary” atly okuwyna gatnaşdylar.

2023-nji ýylyň 18-27-nji sentýabr aralygynda «Türkmendeňizderýaýollary» agentliginiň ýanyndaky Türkmenistanda gämi gatnawyna döwlet gözegçilik administrasiýasynyň hünärmenleri Ýewropanyň deňiz howpsuzlyk agentliginiň goldamagynda halkara sertifikasiýa we klassifikasiýa jemgyýeti Det Norske Veritas (DNV) tarapyndan geçirilen "Halkara deňiz konwensiýalary" atly okuwyna gatnaşdylar. Bu okuw göni wideoaragatnaşyk arkaly geçirildi.

28 Sen 2023
“Turkmendeňizderýaýolary” agentliginiň işgärleriniň arasynda okuw maslahaty geçirildi

2023-nji ýylyň 28-nji sentýabrynda “Turkmendeňizderýaýolary” agentligi tarapyndan hünärmenleriň başarnyklaryny we ukyplaryny ýokarlandyrmak we tejribe alyşmak maksady bilen “Çarlak” myhmanhanasynyň mejlisler zalynda okuw maslahaty geçirildi. Bu okuw maslahata “Turkmendeňizderýaýolary” agentliginiň ykdysadyýet we meýilleşdiriş bölüminiň hünärmenleri we onuň garamagyndaky edara-kärhanalaryň işgärleri gatnaşdy.

28 Sen 2023
Arazmämmet Babaýew “Watana bolan söýgüsi üçin” medaly bilen sylaglandy

Şanly Garşsyzlygymyzyň 32 ýyllygynyň dabaraly bellenilýän günlerinde ýurdumyzyň dürli ulgamlarynda göreldeli zähmet çekýän raýatlarymyzyň Arkadagly Serdarymyzyň Şa serpaýyna mynasyp bolmaklary olаryň buýsanjyny artdyrdy.   

28 Sen 2023
Türkmenistan bilen Astrahanyň arasyndaky hyzmatdaşlygyň ösdürilmegi

Türkmenistanyň Prezidenti Serdar Berdimuhamedow bilen Russiýanyň Astrahan sebitiniň gubernatory Igor Babuşkiniň arasyndaky duşuşygy iki sebitiň arasyndaky gatnaşyklaryň ösmegine täze itergi berdi. Astrahan bilen Türkmenistanyň arasynda ykdysady we söwda gatnaşyklaryny giňeltmäge gönükdirilen esasy başlangyç hökmünde yzygiderli gämi gantaw ugurlaryny açmak bolup, şeýle hem deňizde ýük daşamagy artdyrmak we oba hojalyk önümlerini Astrahandan Türkmenistana eksport etmek mümkinçiligi bolup durýar.

27 Sen 2023
Ýurdumyzyň Garaşsyzlygynyň 32 ýyllygynyň bellenilmegi mynasybetli baýramçylyk konserti

2023-nji ýylyň 19-njy sentýabrynda, ýurdumyzyň Garaşsyzlygynyň 32 ýyllygynyň bellenilmegi mynasybetli, “Türkmendeňizderýaýollary” agentligi, Balkan welaýatynyň Türkmenbaşy şäher birleşmesiniň  Kärdeşler arkalaşygy we Türkmenbaşy şäheriniň Medeniýet öýi bilen bilelikde Çarlak myhmanhanasynyň mejlisler otagynda “Garaşsyzlyk buýsanjymyz, bagtymyz, Arkadagly Serdar bilen öňe barýar halkymyz” atly baýramçylyk konsertini gurnady.

25 Sen 2023
Türkmenistanyň Halk Maslahatynyň mejlisiniň geçirilmegi

Paýtagtymyzda Watanymyzyň mukaddes Garaşsyzlygynyň 32 ýyllygynyň öňüsyrasynda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başlyklyk etmeginde Türkmenistanyň Halk Maslahatynyň mejlisi geçirildi. Döwletimiziň durmuşynda taryhy ähmiýetli waka öwrülen umumymilli forumyň gün tertibine ýurdumyzy mundan beýläk-de okgunly ösdürmäge, halkymyzyň abadan we bagtyýar durmuşyny üpjün etmäge gönükdirilen düýpli özgertmeleri amala aşyrmagyň ileri tutulýan wezipeleri girizildi.

21 Sen 2023
Ministerler Kabinetiniň yanyndaky Ulag we komunikasiýalar agentliginiň Baş direktorynyň Balkan Welaýatyna sapary

2023-nji ýylyň 18-nji sentýabrynda Ministrler Kabinetiniň ýanyndaky Ulag we kommunikasiýalar agentliginiň Baş direktory Mämmethan Çakyýew Türkmenbaşy şäherindäki “Balkan” gämi gurluşyk we abatlaýyş zawodyna bardy. Saparyň dowamynda Baş direktor “Balkan” zawodynyň alyp barýan işleri bilen ýerinde tanyşdy. Bu ýerde gämi gurluşygy bilen bir hatarda, tankerleri, gury ýük gämilerini, tirkegleri hem-de beýleki gämileri abatlamak boýunça işleriň doly toplumy geçirilýär.

20 Sen 2023
"Türkmendeňizderýaýollary" agentliginde Hindistanyň Türkmenistandaky ilçihanasynyň wekilleri bilen duşuşyk geçirildi.

2023-nji ýylyň 19-njy sentýabrynda “Turkmendeňizderyayollary” agentliginde Hindistanyň Türkmenistandaky ilçihanasynyň wekilleri bilen Agentligiň ýolbaşçylary arasynda duşuşyk geçirildi.

20 Sen 2023
Türkmenistanyň Prezidenti “C5+1” köptaraplaýyn hyzmatdaşlygynyň birinji duşuşygyna gatnaşdy

BMG-niň Baş Assambleýasynyň 78-nji sessiýasyna gatnaşmak üçin Amerikanyň Birleşen Ştatlarynda iş saparynda bolýan hormatly Prezidentimiz Serdar Berdimuhamedow şu gün günüň ikinji ýarymynda “C5+1” köptaraplaýyn hyzmatdaşlygynyň birinji taryhy duşuşygyna gatnaşdy.