Resmi web sahypasy
English Русский
Türkmenistanyň Deňiz we derýa ulaglary döwlet gullugy

22:52

04 2 2026
Habarlar
RSS
05 Mar 2024
Gurbanguly Berdimuhamedow türk Liderini sapar bilen Türkmenistana gelmäge çagyrdy

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow anna güni Türkiýäniň Prezidenti Rejep Taýyp Ärdogan bilen geçiren duşuşygynda türk Liderini Türkmenistana sapar bilen gelmäge hem-de Magtymguly Pyragynyň doglan gününiň 300 ýyllyk ýubileýi mynasybetli halkara çärelere gatnaşmaga çagyrdy.

04 Mar 2024
Türkmenistan Ýewraziýa multimodal üstaşyr ulag taslamalaryny durmuşa geçirmegiň üstünde işleýär

Ulag baglanyşygy babatda hem Türkmenistan düşnükli we adalatly garaýşy kemala getirmegiň zerurdygyndan ugur alýar. Bu barada Türkmenistanyň Halk Maslahatynyň Başlygy Gurbanguly Berdimuhamedow üçünji Antalýa diplomatiýa forumyndaky çykyşynda belledi.

04 Mar 2024
Owganystanyň ýokary derejeli wekilýeti Türkmenbaşy Halkara deňiz portuna gelip gördi

2024-nji ýylyň 3-nji martynda Owganystanyň Senagat we söwda ministriniň wezipesini ýerine ýetiriji Alhaj Nuruddin Aziziniň ýolbaşçylygyndaky wekiliýet Türkmenbaşy Halkara deňiz portuna sapary amala aşyrdy.

04 Mar 2024
Gurbanguly Berdimuhamedow “Çalyk” we “Rönesans” kompaniýalarynyň ýolbaşçylary bilen duşuşdy

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Türkiýäniň Antalýa şäherine iş saparynyň çäklerinde anna güni “Çalyk Holding” kompaniýalar toparynyň dolandyryjylar geňeşiniň başlygy Ahmet Çalyk we “Rönesans Holding” kompaniýasynyň müdiriýetiniň başlygy Erman Ylyjak bilen aýratynlykda duşuşyklary geçirdi. Bu barada Türkmenistanyň resmi metbugaty habar berdi.

04 Mar 2024
TITU-da “Oguz han” ylmy-tehnologiýalar merkezi dörediler

Türkmenistanyň Prezidenti Serdar Berdimuhamedow anna güni sanly ulgam arkaly geçiren Ministrler Kabinetiniň nobatdaky mejlisinde “Türkmenistanyň Oguz han adyndaky Inžener-tehnologiýalar uniwersitetinde “Oguz han” ylmy-tehnologiýalar merkezini döretmek hakynda” Karara gol çekdi. Bu barada Türkmenistanyň resmi metbugaty habar berdi.

03 Mar 2024
CAREC ýurtlarynyň bilim ulgamynyň ýolbaşçylary Daşkentde hyzmatdaşlygy işjeňleşdirmegi maslahatlaşdylar

29-njy fewral - 1-nji mart aralygynda Daşkent şäherinde Merkezi Aziýanyň sebit ykdysady hyzmatdaşlygy (CAREC) maksatnamasynyň Ylymlary ösdürmek boýunça Iş toparynyň birinji mejlisi geçirildi. Ol hünär-tehniki we ýokary bilim ulgamynda sebit hyzmatdaşlygyny ösdürmek maksady bilen guraldy.

03 Mar 2024
"Türkmenaragatnaşyk" agentliginiň wekilleri döwlet hyzmatlaryny sanlylaşdyrmakda gyrgyz tejribelerini öwrendiler

BMG-niň Ösüş maksatnamasynyň we "Türkmenaragatnaşyk" agentliginiň arasynda Türkmenistanda pudagara elektron özara gatnaşyklaryň synag ulgamyny ornaşdyrmaga gönükdirilen bilelikdäki taslamasynyň çäklerinde döwlet hyzmatlaryny sanlylaşdyrmakda tejribeleri öwrenmek maksady bilen 26-njy fewral - 1-nji mart aralygynda agentligiň wekilleriniň Gyrgyzystana sapary guraldy.

02 Mar 2024
Türkmenistanyň kompaniýalary Astrahanda geçiriljek ulag maslahatyna gatnaşarlar

Türkmenistanyň ulag-logistika kompaniýalary 23-24-nji aprelde Astrahanda geçirilmegi meýilleşdirilýän “Hazar sebitiniň ulag logistikasy-2024” III halkara forumyna gatnaşarlar. Onda Wolžsk-Hazar ulag-logistika ekoulgamy, Demirgazyk – günorta halkara ulag geçelgesi we beýleki degişli meseleler maslahatlaşylar.

02 Mar 2024
Gazagystan Russiýa bilen serhetde gury ýer portuny gurmagy meýilleşdirýär

Gazagystan täze gury ýer portuny gurmagy meýilleşdirýär.

02 Mar 2024
Türkmenistanyň Prezidenti Karara gol çekdi

Berkarar döwletiň täze eýýamynyň Galkynyşy döwründe ýurdumyzy bagy-bossanlyga öwürmek, tokaý zolaklaryny döretmek we ekilen bag nahallaryna talabalaýyk ideg etmek, şeýle hem “Türkmenistanda 2024-nji ýylda bag ekmek hakynda” Türkmenistanyň Prezidentiniň 2024-nji ýylyň 9-njy fewralynda çykaran 867-nji Kararyny ýerine ýetirmek maksady bilen, Türkmenistanyň Prezidenti Karara gol çekdi. Resminama laýyklykda, Türkmenistanda 2024-nji ýylyň 16-njy martynda ählihalk bag ekmek dabarasyny geçirmek bellenildi. Ministrliklere, pudaklaýyn dolandyryş edaralaryna, welaýatlaryň, Aşgabat we Arkadag şäherleriniň häkimliklerine ählihalk bag ekmek dabarasynyň ýokary derejede guramaçylykly geçirilmegini üpjün etmek tabşyryldy.

01 Mar 2024
«Balkan» gämi gurluşyk we abatlaýyş zawody Deňiz agentirleme işleri boýunça hyzmatlary ýerine ýetirýär

«Balkan» gämi gurluşyk we abatlaýyş zawody deňiz gämi gatnaw pudagynda müşderileriň dürli isleglerini kanagatlandyrmak üçin Deňiz agentirleme işleri boýunça hyzmatlary hödürleýär.

01 Mar 2024
Deňiz pudagynda zähmet çekýän aýal-gyzlaryň Halkara baýramçylygy

Deňiz pudagynda zähmet çekýän aýal-gyzlaryň halkara baýramçylygy – bu deňiz pudagy üçin aýallaryň ýerine ýetirýän işlerine we işlerinde gazanan üstünliklerine bagyşlanan aýratyn günidir. Bu baýramçylyk 1988-nji ýylda Halkara Deňiz Guramasy (IMO) tarapyndan ykrar edilip, her ýylyň 18-nji maýynda bellenilýär. Baýramçylygyň döredilmeginiň maksady, deňhukuklylygy goldamak we deňiz pudagynda aýal-gyzlaryň işlemekleri üçin döredilen şertleri ösdürmek bolup durýar. Dünýä ykdysadyýetiniň esasy pudagy diýlip deňiz pudagy hasaplanýar we aýal-gyzlarymyz bu pudakda esasy orny eýeleýär. Bu pudakda aýal-gyzlarymyz gämini dolandyrmak, tehniki hyzmatlary, täjirçilik amallary, ylmy-barlag işleri we mundanam başga hünärlerde zähmet çekýärler.

01 Mar 2024
«Türkmenaragatnaşyk» agentliginiň Politehniki orta hünär okuw mekdebinde zenan dünýäsiniň gözelligine bagyşlanan wagyz-nesihat çäresi geçirildi

Ýurdumyzda eli çeper ene-mamalarymyzyň we gelin-gyzlarymyzyň zehin-paýhasyndan kemala gelen halkymyzyň medeni mirasyny we milli gymmatlyklaryny wagyz etmekde uly işler alnyp barylýar.

01 Mar 2024
TSTB Bütindünýä banky bilen türkmen bazaryna maýa goýum çekmegi maslahatlaşdy

Türkmenistanyň Senagatçylar we telekeçiler birleşmesiniň (TSTB) wekilleri bilen Türkmenistana iş sapary bilen gelen Bütindünýä bankynyň wekiliýetiniň arasynda ikitaraplaýyn duşuşyklar geçirildi. Duşuşygyň dowamynda türkmen bazaryna daşary ýurtlardan maýa goýumlary çekmek boýunça meseleler maslahatlaşyldy.

29 Few 2024
Transhazar ulag geçelgesi – sanly geljege tarap ädimler

2024-nji ýylyň 27-28-nji fewralynda “Türkmendeňizderýaýollary” agentliginiň hünärmenleri Tbilisi şäherinde geçirilen Transhazar ulag geçelgesini sanlylaşdyrmak boýunça ikinji seminaryna göni wideoaragatnaşyk arkaly gatnaşdylar. Seminara Transhazar ulag geçelgesiniň assosiasiýasynyň, sanly uglamynyň, TRAСEKA-nyň, döwlet edaralaryň wekilleri we degişli pudaklaryň bilermenleri gatnaşdylar.

29 Few 2024
29-njy fewral – ýylyň “artykmaç” güni

Mälim bolşy ýaly, dört ýyldan bir gezek fewral aýy 28 däl-de, 29 günde tamamlanýar. Bu ýyllar beýleki ýyllardan bir gün artyk, ýagny 366 gün bol­ýar. Şol gün bolsa şu gün. Adat­ça bir ast­ro­no­mik ýyl 365,242 gü­ne ba­ra­bar. Alym­lar otu­ryň so­ňun­da­ky bö­le­gi te­ge­le­mek üçin se­ne­na­ma dü­zen­le­rin­de her dört ýyl­dan bir ar­tyk gün goý­ma­gy ma­kul bi­lip­dir­ler. Bu ýag­daý bir gün­de ýa-da aý­da däl-de, uzak asyr­la­ryň do­wa­myn­da gel­nen ne­ti­je­dir. Ge­piň gys­ga­sy, bu ýyl bir artykmaç gün bar. 29-njy few­ral­da dün­ýä inen­ler bolsa, dog­lan gün­le­ri­ni beý­le­ki adam­lar­dan has şow­hun­ly bel­le­se ge­rek. Sebäbi olar dost­la­ry­ny we do­gan-ga­ryn­daş­la­ry­ny her ýyl­da dog­lan gün­le­ri­ne ça­gy­ryp bil­me­ýär­ler.

29 Few 2024
Özbegistanda internet aragatnaşygyny giňeltmek üçin şertler gowulandyrylar

Özbegistanda internet aragatnaşygyny giňeltmek üçin şertler gowulandyrylar.

29 Few 2024
Eýranyň demirgazyk sebiti Türkmenistana eksportyny artdyrýar

Eýran Yslam Respublikasynyň demirgazygynda ýerleşýän Mazenderan sebiti geçen ýyl Türkmenistana umumy bahasy 15 million dollara barabar nebit senagatyna degişli bolmadyk önümleri iberdi. Şeýlelikde, Mazenderan soňky wagtda türkmen tarapy bilen söwda-ykdysady gatnaşyklary işjeňleşdirýän sebitleriň biri boldy. Bu barada “Tehran Times” neşiri habar berýär.

28 Few 2024
«Türkmendeňizderýaýollary» agentlinde zähmet çekýän aýal-gyzlarynyň arasynda «El hünäri - il gezer» atly bäsleşigi geçirildi

2024-nji ýylyň 27-nji fewralynda “Pähim-paýhas ummany Magtymguly Pyragy” ýylynda Halkara zenanlar güni mynasybetli Türkmenistanyň Kärdeşler Arkalaşyklarynyň Balkan welaýatynyň Türkmenbaşy şäher birleşmesiniň we “Türkmendeňizderýaýollary” agentliginiň bilelikde gurnamagynda “Çarlak” myhmanhanasynda “El hünäri il gezer” ady bilen türkmen milli el işleriniň amaly-haşam sungaty boýunça bäsleşigi geçirildi. Oňa “Türkmendeňizderýaýollary” agentliginiň garamagyndaky edara-kärhanalaryň gelin-gyzlary gatnaşdy. Bäsleşigiň maksady, Magtymguly Pyragynyň 300 ýyllygyny dabaralandyrmakdan, Türkmenistanyň Prezidenti Serdar Berdimuhamedowyň alyp barýan ýaşlar baradaky döwlet syýasatyny giňden wagyz etmekden, nesilden -nesle geçip gelýän milli mirasymyz bolan el işlerini mahabatlandyrmakdan ybarat boldy.

28 Few 2024
Türkmenistan we Owganystan eksport-import ýük gatnawlaryny artdyrmak meselelerine garadylar

Türkmenistanyň Ministrler Kabinetiniň ýanyndaky Ulag we kommunikasiýalar agentliginiň Baş direktory Mämmethan Çakyýew sişenbe güni Aşgabatda Owganystanyň daşary işler ministriniň wezipesini ýerine ýetiriji Amir Han Muttakiniň ýolbaşçylygyndaky owgan wekiliýeti bilen duşuşdy. Duşuşygyň barşynda taraplar iki ýurduň arasynda eksport-import ýük gatnawlaryny artdyrmak bilen baglanyşykly meselelere garadylar. Bu barada Owganystanyň resmi metbugaty habar berdi.