Deňze çykalgasy bolmadyk ýurtlaryň ösüşine bagyşlanan BMG-niň Üçünji maslahaty çäklerinde, Türkmenistanyň "Awaza" milli syýahatçylyk zolagynda ýerleşýän gämi gurluşyk we gämi abatlaýyş zawody — "Balkan" zawodyna Ermeni Respublikasynyň Prezidenti Waagn Haçaturýan resmi sapar bilen baryp gördü.

Zawodyň ýolbaşçylarynyň gatnaşmagynda geçirilen saparyň dowamynda jenap Prezident zawodyň önümçilik mümkinçilikleri, döwrebap enjamlar bilen üpjün edilen infrastrukturasynyň hem-de gämi gurluşygy we abatlaýyş işleri bilen bagly esasy önümçilik prosesleri bilen tanyşdy.

Saparyň ahyrynda Ermenistanyň Prezidenti kärhananyň işine ýokary baha berdi, zawod işgärlerine üstünlik we abadançylyk arzuw edip, bu kärhananyň geljekde has-da ösmeginiň we gülläp ösüşiniň möhümdigini belledi.